Zaqatalada dönərdən zəhərlənənlərin vəziyyəti AÇIQLANDI
![Zaqatalada dönərdən zəhərlənənlərin vəziyyəti AÇIQLANDI](https://sfera.az/photo/orginal/2024/05/08/1715150366_663b1b6561f9c663b1b6561f9d171514966977f6fbc8c0c5d14903a795ef189f13ec.jpg)
Sağlıq
10:40 / 08.05.2024
2744
Mayın 7-də saat 17:40-dan başlayaraq zəhərlənmə şübhəsilə 34 nəfər (21 qadın cinsli, 13 kişi cinsli olmaqla) Zaqatala Rayon Mərkəzi Xəstəxanasının Təcili yardım şöbəsinə daxil olub.
Sfera.az xəbər verir ki, bu barədə APA-a TƏBİB-dən bildirilib. Məlumata görə, onlardan 15-i uşaqdır.
"Hər birinə zəruri tibbi xidmət göstərilib, 16 nəfər artıq evə buraxılıb. Digərlərinin vəziyyəti stabil olaraq qiymətləndirilir və gün ərzində evə buraxılmaları nəzərdə tutulur", məlumatda deyilir.
Qeyd edək ki, həmin şəxslərin dönər yedikdən sonra səhhətlərində narahatlıq yarandığı məlum olub.
İlkin məlumata görə, zəhərlənən şəxslər Zaqatala şəhərinin müxtəlif dönərxanalarında hazırlanmış dönərlərdən istifadə ediblər.