Psixoloq, psixiatr və nevroloq: Bu anlayışları necə fərqləndirmək olar?

İnsanların əksəriyyəti psixoloq, psixiatr və psixoterapevt anlayışlarını qarışdırır.

Bəs onları birbirindən necə fərqləndirmək olar?

Mövzu ilə bağlı Sfera.az-a danışan psixiatr Orxan Fərəcli bildirib ki, bunlar bir-birindən tamamən fərqli anlayışlardır.

“Psixiatr və nevroloqlar həkimdirlər. Onlar baza tibbi təhsili verən müəssisələrdən məzun olurlar və ixtisaslaşmaq üçün rezidentura təlimi alırlar. Əgər pasientdə gözlə görülə bilən bir dəyişiklik yoxdursa, onunla psixiatr məşğul olur. Yox əgər pasient insult keçiribsə, çox kəskin baş ağrıları varsa, bununla artıq nevroloqlar məşğul olur. Adətən, psixiatr deyəndə ilk ağlımıza gələn “dəli həkimləri” anlayışıdır. İnsanlar düşünür ki, psixiatrlar yanlız ağır ruhi ploblemləri olan insanlarla məşğul olur. Şizofreniya, psixopatiya və şəxsiyyət pozuntuları kimi xəstəliklər də psixiatrın peşə sahəsində daxildir. Eyni zamanda, bu sahəyə depressiya, təşviş problemləri də aiddir. Utancaqlığın özü də psixiatr sahəsinə aid problemdir. Əgər insanlar kütlə qarşısında danışa bilmirsə, həyəcanlanırsa bu problemi psixiatrın köməyi ilə aradan qaldırmaq lazımdır".

Orxan Fərəcli qeyd edib ki, psixoloqlar həkim deyil. Onlar baza psixologiya təhsil verən müəssisələrdən məzun olan mütəxəssislərdir.

"Onların psixoterapiya ilə məşğul olmaları üçün iki illik klinik psixologiya təhsili almaları vacibdir. Psixoterapiya isə görülən işin adına deyilir. Bir insan psixoterapiya ilə məşğul olursa, psixoterapevt adlanır”.

Ülkər Abdurahmanlı