Nyu-York rəhbərliyi şəhərdəki siçovulların və digər gəmiricilərin populyasiyasına qarşı humanist üsul təklif edib.

Sfera.az “The Independent”ə istinadən xəbər verir ki, Nyu-Yorkda kontrasepsiya (arzuolunmaz hamiləliyin qarşısının alınması) zəhər və yapışqan tələlərə alternativ kimi nəzərdən keçirilir.

Şəhər rəhbərliyi siçovullara qarşı kontraseptivlərdən istifadə fikrinə ötən il zooparkdan qaçan bayquş Flaconun başına gələn qəzadan və onun bədənində siçovul zəhərinin tapılmasından sonra gəlib. Belə ki, Nyu-York Şəhər Şurasının üzvü Sean Abreu  kontrasepsiyadan istifadə edərək metro stansiyalarında və boş ərazilərdə yaşayan milyonlarla siçovulların populyasiyasına nəzarət etmək üçün pilot proqram yaratmağı təklif edib.

"ContraPest" adlanan kontraseptiv duzlu, yağlı qranullar şəklində olur və siçovulların çox olduğu ərazilərə yem kimi atılır. Bu, dişi siçanlarda yumurtalıqların funksiyasına təsir edir, erkəklərdə isə sperma istehsalını pozur.

Hazırda Nyu-York şəhərində siçovulları yapışqan tələlər və tıxac tələləri, həmçinin dəm qazı ilə məhv edirlər. Dəm qazı gəmiriciləri öz yuvalarında yavaş-yavaş öldürür, buna görə də bəzi ekspertlər bunu ən humanist mübarizə vasitələrindən biri hesab edirlər.

İnci