Ukraynanın gələcəyi ilə bağlı TƏHLÜKƏLİ EHTİMAL: “İki yerə bölünəcək və ya...” - İDDİA

“Ukraynanın iki yerə bölünmək təhlükəsi var”.

Bunu Sfera.az-a açıqlamasında politoloq Məhəmməd Əsədullazadə deyib. O iddia edib ki, Rusiya şərqdə Donbası və Luqanskı ləğv edib, yeni Ukrayna dövləti elan edə bilər:

“Qərbdə bəzi liderlər Ukraynada təhlükəsizlik buferi yaratmaq üçün onun iki yerə bölünməsində maraqlıdır. Hesab edirlər ki, Rusiya bununla dayanacaq. Amma Moskva bununla kifayətlənməyərək Baltikyanı ölkələr və Polşaya da əl atacaq. Sonrakı proseslərdə Mərkəzi Asiya ölkələri olacaq. ABŞ-də seçkilər, Avropada Almaniya və Fransa arasında geosiyasi maraqların toqquşması Ukraynanı məğlub edə bilər”.

Ekspert bildirib ki, Qərb Ukraynaya yalnız müdafiə oluna biləcəyi silahları verir:

“Görünür, Qərb liderləri Ukraynanın parçalanmasında maraqlıdır. ABŞ-də Donald Tramp hakimiyyətə gələrsə, Ukraynaya yardımlar tam dayana bilər. Eyni zamanda Ukrayna məsələsinin Avropanın öhdəliyinə buraxılması mümkündür. Avropa liderləri isə Ukraynanın iki yerə bölünməsinə qərar verə bilər, əsas odur ki, Rusiya Qərbi Avropaya toxunmasın. ABŞ Ukraynada geri çəkilərsə, beynəlxalq fövqəl dövlət nüfuzunu itirəcək”.

Günay