Tailandda 70 il taxtda oturan kral Bhumibolun ölümündən sonra şahzadə Maha Vajiralongkorn məclisdə təşkil edilən mərasimdə kral elan edilib.

Sfera.az xəbər verir ki, 64 yaşlı Maha Çakri xanədanının 10-cu kralı olub.

Maha Vajiralongkorn 1972-ci ildə şahzadə elan edilib. Tayland adətlərinə uyğun olaraq 1978-ci ildə bir müddətlik Buddist monastrına çəkilmişdi. Sonra isə Krallığın hərbi hava qüvvələri və donanmasında xidmətdə olub.

Taylandın kralı Bhumibol isə bu ilin 13 oktyabr tarixində vəfat edib. O, 70 il taxtda oturaraq dünyanın ən uzun müddətli kralı ünvanına sahib olmuşdu.

Qeyd edək ki, Tayland 1932-ci ildən parlamentar monarxiya ilə idarə edilir.