Notr-Dam kilsəsində terror aktının qarşısı alındı

Parisdə Daxili Təhlükəsizlik Baş İdarəsinin (DGSI) əməkdaşları Notr-Dam kilsəsində terror aktının qarşısını alıb.

Sfera.az bildirir ki, İŞİD-lə əlaqəsi olan 62 yaşlı misirli kişi həbs edilib.

Fransa hüquq-mühafizə orqanlarının məlumatına görə, Əl-Qaidə və İslam Dövləti nümayəndələri ölkədə “Olimpiya Oyunlarından əvvəl və ya oyun zamanı” terror aktı törətməyə can atırlar.

Qeyd edək ki, son bir neçə həftə ərzində Fransada hər birinin İŞİD-lə əlaqəsi olan beş nəfər terrorçuluq ittihamı ilə həbs edilib.

Həmçinin İŞİD-in “düşmənlərə”, yəni yəhudi, şiə və ya xristian müttəfiqlərə qarşı cihada çağırdığı bildirilir.

Hüquq-mühafizə orqanları təhlükəyə hökumət tərəfindən ciddi yanaşıldığını və ölkənin Daxili İşlər Nazirliyinin fransızların təhlükəsizliyini təmin etmək üçün hər cür səy göstərdiyini bildirib. 

"Radikal şəxslər ciddi nəzarətdə saxlanılır. İbadət yerləri və təhsil müəssisələrində, o cümlədən ictimai nəqliyyatda və ictimai binalarda, bayram, mədəni və dini tədbirlərdə təhlükəsizlik tədbirləri gücləndirilib"- deyə Fransa Daxili  İşlər Nazirliyindən bildirilib.

Həmçinin terror riskli və təhlükə olduğu ərazilərdə nəzarətin gücləndirilməsi üçün 10,000 polis məmuru və jandarmın səfərbər edildiyi bildirilir.

Xanım

Sfera.az