Şəkidə xeyriyyə tədbirlərinin təşkili ənənə halını alıb.
 

Sfera.az xəbər verir ki, il ərzində bir neçə dəfə keçirilən xeyriyyə tədbirləri bir qayda olaraq ilk növbədə şəhid ailələrini və aztəminatlı ailələri əhatə edir.

Novruz Bayramı ərəfəsində də Şəki rayonunda növbəti dəfə geniş miqyaslı xeyriyyəçilik tədbiri həyata keçirilib. Millət vəkili Cavanşir Feyziyevin təşəbbüsü ilə keçirilən xeyriyyə tədbiri çərçivəsində deputatın köməkçiləri Şəki rayonunda yaşayan 309 şəhid ailəsinə və 36 aztəminatlı ailəyə baş çəkib, onlara maddi və ərzaq yardımı göstərilib. Şəhid ailələri ilə görüşlərdə bir sıra müraciətlər və xahişlər də qeydə alınıb və hazırda həmin müraciətlər baxılmaq üçün araşdırılır.

Akif Salam
Əməkdar jurnalist