Ukrayna Rusiyanın 342 hərbi təyyarəsini VURUB

Ukrayna hərbçiləri Rusiyanın daha bir qırıcı-bombardmançı “Su-34” təyyarəsini məhv edib. 

Sfera.az xəbər verir ki, bu barədə Hərbi Hava Qüvvələrinin komandanı Nikolay Oleşçuk məlumat verib. 

Xatırladaq ki, iki gün öncə Ukraynanın hava hücumundan müdafiə qüvvələri iki “Su-34” təyyarəsini vurmuşdular. Fevralın 23-də isə “A-50U” kəşfiyyat təyyarəsi məhv edilib. 

Oleşçuk hesab edir ki, bu cür döyüş və xüsusi aviasiya vasitələrinin itkisindən sonra Rusiya bir müddət aviasiya hücumlarını dayandırmaq barədə düşünməlidir. 

Ümumiyyətlə, Ukrayna tərəfinin məlumatına əsasən müharibənin getdiyi son iki ildə Rusiyanın 342 hərbi təyyarəsi vurulub. 

Vasif