"Qərb hərbi əməliyyatlara hazırlaşır və Belarus hədəflərinin kəşfiyyatını aparır".

Sfera.az xəbər verir ki, bunu Belarus müdafiə naziri Viktor Xrenin "Rossiya 24" telekanalına müsahibəsində deyib.

"Belarus Müdafiə Nazirliyi Aralıq və Baltik dənizlərində NATO-nun hərbi-dəniz qruplarına nəzarət edir. NATO gəmiləri Belarusun istənilən yerinə çata bilən “Tomaqavk” raketləri ilə silahlanıb", - Xrenin bildirib.

Xrenin Qərbin Belarusa qarşı kəşfiyyat apardığını iddia edib:

"Belarusa qarşı davamlı olaraq bütün formalarda kəşfiyyat aparılır. Radiotexnika, pilotlu təyyarələr və pilotsuz təyyarələr kəşfiyyatdadır. Hər gün beşdən doqquza qədər bu hal olur. Kosmik kəşfiyyat da var. Qərb bizim hərbi şəhərciklərimizə və bazalarımıza fəal maraq göstərir".

Əzizə