İmişlidə yük maşını piyadanı vuraraq öldürüb

İmişli şəhərində yol-nəqliyyat hadisəsi zamanı piyada ölüb.

Sfera.az report.az-a istinadən xəbər verir ki, hadisə şəhərin Ə.M.Həmidov küçəsində qeydə alınıb.

Belə ki, Eyvaz Ataşovun idarə etdiyi "KamAZ" markalı yük maşını yolu keçən piyada, rayonun Otuziki kənd sakini, 1953-cü il təvəllüdlü Əhədov Nazim Xəmməd oğlunu vurub.

Piyada aldığı ağır xəsarətlər nəticəsində hadisə yerində ölüb.

Faktla bağlı araşdırma aparılır.