Narkotik ticarətinə qarşı mübarizə - Kokaini qanuniləşdirmək istəyirlər
Amsterdam kokainin satışını və istifadəsini qanuniləşdirmək istəyir.
Hakimiyyət hesab edir ki, bu yolla narkotikin satışından milyardlarla gəlir əldə edən cinayətkar kartellərin fəaliyyətini poza biləcəklər.
Sfera.az bildirir ki, Hollandiya paytaxtının meri Femke Halsemanın sözlərinə görə, narkotikin satışı ilə onilliklər ərzində mübarizə aparılsa da, qara bazar inkişaf etməkdə davam edir. Ötən il gömrükçülər Rotterdamda 59 min kq-dan çox, Antverpendə isə təxminən 116 min kq kokain müsadirə ediblər.
Yanvarın 26-da şəhər meri kokainin leqallaşdırılması məsələsi ilə bağlı ictimai müzakirə təşkil edib. Halsema deyir ki, narkomaniya ilə mübarizə azğın və “məhsuldardır”.
"Etiraf edək ki, yüz illərlə aparılmış repressiya ciddi nəticələr vermədi. Görünür, insanların stimullaşdırıcılara ehtiyacı olduğu üçün, "qara bazar" var"- deyə o etiraf edib.
Amsterdam meri onu da qeyd edib ki, həmkarları, iri narkotik ticarəti mərkəzləri Rotterdam və Antverpen liman şəhərlərinin rəhbərləri onu dəstəkləməyəcəklər. Rotterdam merləri Əhməd Aboutaleb və Antverpen Bart de Wever bir il əvvəl kokainin leqallaşdırılmasına qəti şəkildə qarşı çıxıblar.
"Qanuni narkotiklər, alkoqol və nikotin artıq yüz minlərlə ailəni məhv edir. Bu siyahıya daha sərt narkotikləri əlavə etmək tamamilə əxlaqsızlıq olardı"- de Wever öz mövqeyini izah edib.
Halsemanın fikrincə, narkotik istifadəsi ilə bağlı emosional və əxlaqi mühakimələr müzakirəyə kömək etmir.
"Narkomaniya geniş yayılıb, sadəcə bazara baxmaq kifayətdir. Əgər əhalinin sağlamlığı üçün risklər varsa, bazarı cinayətkarların öhdəsinə buraxmaq olmaz"- mer deyib.
Hollandiyalı ekspertlərin hesablamalarına görə, narkotiklərin qanunsuz dövriyyəsindən əldə edilən gəlirlər ildə təxminən 3 milyard avro təşkil edir. Bu pulların yuyulması lazımdır. Cinayətkarların daşınmaz əmlak məsləhətçiləri, notariuslar və hüquqşünaslarla əməkdaşlıq etməsi isə danılmaz faktdır.
Rotterdamda gömrük işçiləri 2023-cü ildə 59,116 kiloqram kokain müsadirə ediblər, halbuki on il əvvəl bu rəqəm 10,000 kiloqram idi. Keçən il Antverpen digər şəhərlər arasında rekorda imza atıb. Burada təxminən 116 min kiloqrama yaxın kokain aşkar edilib.
Aysel
Sfera.az
