"Oğluma müğənni qız alaram"

"Müğənni nümunə göstərin ki, ata-anasını qocalar evinə qoyub, övladlarını uşaqlar evinə atıb. Niyə yaxşı müğənni yoxdur?".

Sfera.az xəbər verir ki, bu sözləri Əməkdar artist Nüşabə Ələsgərli "Tarixin bir günü" verilişində deyib. O, oğlunun müğənni qızla ailə qurmasında heç bir əngəl görmədiyini vurğulayıb:

"Oğluma müğənni qız alaram. Araşdıraram kimdir. Hər hansı qızı, ailsəni araşdırmırsınız? Bakı balaca şəhərdir. Müğənni olmayanların hamısı aydan arı, sudan durudur? Digər sahələrdən olanların başqa hərəkət edənləri yoxdur? Müğənnisi də, müəllimi də, mühəndis də elədir. Yaxşısı da var, pisi də. Hansı olsa, araşdırıb ona görə hərəkət edəcəksən. Bunlar mənim üçün rol oynamır, əsas insanlıqdır"