60 tonluq qaz daşıyan maşın partladı - Ölənlər var

Monqolustanda yük maşını partlayıb.

 Sfera.az xəbər verir ki, yanvarın 24-nə keçən gecə Monqolustanın paytaxtı Ulan-Batorda 60 tonluq qaz daşıyan yük maşını partlayıb.

Yanğın nəticəsində 6 nəfər həlak olub, ondan çox insan yanıq xəsarətləri ilə xəstəxanaya yerləşdirilib. Hadisə "Dünjinqarav" bazarının ərazisində baş verib.
 

Ölənlər arasında üç təcili yardım əməkdaşı və daha iki nəfər də var. Yük maşınının sürücüsü, ilkin məlumata görə, sağdır.


Partlayış nəticəsində yol ayrıcında qəzaya uğrayan yük maşınının çəni onlarla metr kənara atılıb. 20-dən çox avtomobil yanıb. Səlahiyyətlilər partlayışın baş verdiyi ərazinin sakinlərini təxliyyə etməyi tövsiyə edib.
 

Artıq hüquq-mühafizə orqanları yük maşınında baş verən yanğının səbəblərini araşdırır. Xüsusilə qaz avadanlıqlarını yoxlanacaq.

Mütəxəssislər hadisə yerində işlərini davam etdirəcəklər. Onlar yanğının yayılması təhlükəsini aradan qaldıra biliblər.

Aysel

Sfera.az