Stresdən xilas olmağın ən rahat yolu – Mütəxəssis AÇIQLADI 

“Kontrast duş stresdən xilas olmağın ən rahat yoludur”.

Sfera.az bildirir ki, bunu rusiyalı terapevt Polina Lepilova deyib. Onun sözlərinə görə, kontrast duş həm də fiziki və əqli sağlamlıq baxımından faydalıdır:

“Qaynar su qan dövranını normallaşdırır, daxili orqanların aktivləşməsinə kömək edir. Soyuq su isə qan damarlarını daraldır, əzələ tonusunu artırır və immunitet sistemini dəstəkləyir. Bu, stress və yorğunluğu aradan qaldırmağa, həmçinin əhvalınızı yaxşılaşdırmağa imkan verir. Bundan əlavə, kontrast duş bədənin maddələr mübadiləsini aktivləşdirməyə kömək edir. Bu isə çəki azaltmağa və ümumi enerjinin normallaşmasına kömək edir”.

Mütəxəssis qeyd edib ki, sözügedən prosedur həm də dərinin vəziyyətinə müsbət təsir edir:

“Dərini gücləndirir, elastikliyini və xarici təsirlərə qarşı müqavimətini artırır. Kontrast duşun sinir sisteminə də təsiri var. Belə ki, yatmazdan əvvəl rahatlamağa və yuxunun keyfiyyətinin düzəlməsinə kömək edə bilər. Lakin kontrast duşlar ürək-damar xəstəlikləri, yüksək qan təzyiqi və ya digər sağlamlıq problemləri olan insanlar üçün tövsiyə edilmir. Əgər şübhə edirsinizsə və ya xroniki bir xəstəliyiniz varsa, bu üsuldan istifadə etməzdən əvvəl həkimlə məsləhətləşmək vacibdir”.

Qeyd edək ki, kontrast duş - növbəli olaraq isti və soyuq duşun altında dayanmaqdır.

Günay