“Tramp prezident seçkilərində Baydeni məğlub edə bilər”.

Sfera.az bildirir ki, bunu siyasi şərhçi Zeynal Əmrəliyev deyib. Onun sözlərinə görə, bu, keçmiş Ağ Ev rəhbəri üçün elə də çətin olmayacaq:

“Bunun üçün bir neçə səbəb var. Rusiyanın Ukraynada artan fəallığı və Qərbin Kiyevə normal dəstək verə bilməməsi; Suriyada Rusiya və İranın Qərbi sıxışdırması; Qırmızı dənizdə husilərin ABŞ gəmilərinə artan hücumları; Yaxın Şərqdəki vəziyyət, İsrail-Fələstin münaqişəsi; Benyamin Netenyahunun ABŞ-nin təklif etdiyi “iki dövlətli həll” prinsipindən imtina etdiyini açıqlaması; ABŞ iqdisadiyyatının sürətli şəkildə zəifləməyə başlaması bu səbəblər arasında yer alır”.

Ekspert bildirib ki, bütün bu amillər Trampın gücünü artırır:

“Əgər süpriz baş verməsə, Donald Tramp Co Baydenə təhvil verdiyi Ağ Evi ondan geri alacaq. Ancaq hələ ki, seçkiyə aylar var. Bu müddət ərzində baş verənləri gözləmək lazımdır. Baydenin və komandasının üzərinə böyük məsuliyyət düşür”.

Günay