Kanye Uest dişlərini çıxararaq almazdan daha bahalı materialla əvəz etdi - FOTO
Amerikalı reper Kanye Uest təbii dişlərini ümumi dəyəri 850 min dollar olan titan protezlərlə əvəz edib.
Sfera.az bildirir ki, daim media tərəfindən “dəli” adlandırılan repper bu hərəkəti ilə yenidən bütün hamını özü haqqında danışmağa məcbur edib.
Reper sosial şəbəkədə yeni təbəssümünü nümayiş etdirib. O, özünü oxşar dişlərlə Ceyms Bond kinosundakı obrazlardan biri ilə müqayisə edib.
Protezin dizaynını Kanye özü icad edib. Onun qiyməti almazdan bahadır. Protezləri “Beverli Hills”in baş stomatoloqu Dr. Thomas Connelly Naoki Hayaşi ilə birlikdə hazırlayıb.
Kanye dişlərinə təxminən bir milyon dollar xərcləsə də, biznes və əmlak vergiləri də daxil olmaqla 1.035.126 dollar vergi borcu var. Ödənilmədiyi üçün borc artmaqda davam edir.
Kanyenin 2021-ci ilin sentyabrında 57 milyon dollara aldığı Malibu okean sahilindəki mülk isə bu il 4 milyon dollar daha ucuz siyahıya alınıb.
Aynil
Sfera.az
