İsrail Avroviziyadan xaric edilir? - Təşkilatçılardan AÇIQLAMA
“Eurovision” mahnı müsabiqəsinin təşkilatçıları İsraili iştirakçılar siyahısından çıxarmamaq qərarına gəliblər.
Sfera.az xəbər verir ki, bu barədə TASS SVT telekanalına istinadən məlumat yayıb.
"Bu, hökumətlər üçün deyil, yayımçılar üçün bir yarışdır və İsrail yayımçısı 50 ildir ki, iştirak edir" - deyən Avropa Yayım Birliyi (EBU) cavabında bildirib ki, müsabiqə dünyanın dörd bir yanında insanları bir araya gətirən siyasətdən uzaq bir tədbirdir.
Bundan əvvəl Finlandiyada musiqiçilər İsrailin “Eurovision”dan çıxarılmasını tələb ediblər. Onlar İsraili Qəzza zolağında hərbi cinayətlərdə ittiham ediblər. Petisiyanın müəllifləri həmçinin Yle yayımçısını ikili standartlara görə tənqid ediblər, çünki onun nümayəndələri Ukraynada xüsusi hərbi əməliyyata başlayandan sonra Rusiyanın “Eurovision”dan çıxarılmasını tələb edən ilk şəxslərdən olublar.
İnci
