Avstraliyada polis gəmi kapitanını 46 cinayət üzrə ittiham edib.

Sfera.az xəbər verir ki, kapitan illərlə ekipaj üzvlərini döyüb və onlara işgəncə verməkdə günahlandırılıb.

Ekipaj üzvlərindən bəziləri kapitanlarının qəzəbindən o qədər qorxublar ki, bəzən köpək balıqları və timsahların olmasını belə gözə alaraq, dənizə tullanaraq, sahilə doğru üzüblər.

Hüquq-mühafizə orqanları keçən il kapitanın balıqçı gəmisindəki dənizçiləri hədələdiyi barədə xəbər aldıqdan sonra kapitanla maraqlanmağa başlayıb.

Kvinslend polis müfəttiş vəzifəsini icra edən Ceyson Çatham jurnalistlərə verdiyi açıqlamasında deyib:

"Bəzi hallarda bu balıqçı gəmilərində “qara fəhlə” kimi işləyən insanlar da zorakılığa məruz qalıb, onlara hücum edilib, maaş almadan işləməyə, açıq göyərtədə yatmağa məcbur ediliblər".

Kapitanın qurbanları beş kişi və biri 25 yaşlı qadın olub. Polis özbaşınalığın bir neçə il davam etdiyini nəzərə alaraq, zərərçəkənlərin daha çox ola biləcəyini ehtimal edir.

Yanvarın 9-da polis dörd balıqçı gəmisində axtarış aparıb və onlardan birində odlu silah aşkar edib.

Kapitan 18 təzyiq, beş işgəncə və köləlik də daxil olmaqla bir sıra cinayətlərdə ittiham olunub.

Onun barəsində həbs-qətimkan tədbiri seçilib və fevralda məhkəməyə çıxarılacaq.

Aysel

Sfera.az