"Sərt reaksiya verəcəyik!" - İran HƏDƏLƏDİ
"İran xalqının hüquqlarını pozan istənilən addıma, şübhəsiz ki, sərt reaksiya verəcəyik".
Sfera.az "Tasnim" agentliyinə istinadən xəbər verir ki, bu barədə İranın müdafiə naziri, general Məhəmməd Rza Aştiani Nazirlər Kabinetinin iclasından sonra jurnalistlərlə söhbətində bildirib.
O qeyd edib ki, İran həm Qərbdən, həm də Şərqdən gələn təhdidlərə cavab verəcək.
“Bu reaksiya sərt və həlledici olacaq. İran bütün ölkələrin, xüsusən də qonşularının hüquqlarına, maraqlarına və ərazi bütövlüyünə hörmət edir, lakin biz sərhədlərimizdə təxribat törədənlərlə mütləq mübarizə aparacağıq. Rusiya İranın təhlükəsizliyinə, suverenliyinə və ərazi bütövlüyünə hörmət edəcəyinə söz verib. Rusiya Federasiyasının müdafiə naziri ilə telefon danışığım oldu, o, bunu təsdiqlədi", - nazir bildirib.
Qeyd edək ki, son günlər İran Şimali İraq və Pakistana raket zərbələri endirib.
Əzizə Zeynal
