Azərbaycan əhalisi ötən il pərakəndə ticarət müəssisələrində (mağazalar, yarmarkalar və s.) hər ay adambaşına 484,2 manat pul xərcləyib. 

Sfera.az Dövlət Statistika Komitəsinə istinadən xəbər verir ki, əhalinin ticarət xərcləri 2023-cü ildə əvvəlki ilə nisbətən 52 manatdan çox və ya 12 faiz artıb. Bir il əvvəl pərakəndə ticarətdə əhalinin xərclədiyi pul 432 manat olmuşdu.

Əhalinin ticarət xərclərinin artması daha çox inflyasiya amili ilə bağlı olub. Bir il ərzində ticarət xərclərindəki 12 faizlik artımın təxminən 8-9 faizlik hissəsi inflyasiya, qalanı real artımdan qaynaqlanıb. 

Ötən il ticarət müəssisələrində xərclənən pulun daha çox hissəsi ərzağın alınmasına sərf edilib. Əhali hər ay adambaşına ərzağa 271 manat, qeyri-ərzağa isə 213,2 manat xərcləyib. 

Son bir ildə əhalinin ərzaq xərcləri 28 manat, qeyri-ərzaq xərcləri 25 manata yaxın artıb. 

Vasif