Son zamanlar kirayə mənzil bazarında qiymətlərin yüksəlməsinin şahidi oluruq. Bu da kirayədə qalan insanları narahat edən edən əsas məsələlərdən biridir.

Bəs, bu il kirayə mənzil bazarında bahalaşma gözlənilirmi?

Mövzu ilə bağlı Sfera.az-a danışan iqtisadçı-ekspert Natiq Cəfərli bildirib ki, kirayə mənzil bazarındakı dəyişikliklər iqtisadiyyatın digər sahələrində baş verən proseslerlə əlaqəlidir.

“İnflyasiya nə qədər yüksəkdirsə, evini kirayə verən insanlar da yüksək məbləğdə kirayə haqqı tələb edirlər. Bundan əlavə, Bakının Baş Planına əsasən, ölkəmizdə çox sayda tikinti-söküntü işlərinin aparılması gözlənilir. Bu da həmin evlərdə yaşayan insanların bir müddət kirayədə qalmasına səbəb olacaq. Bu, kirayə mənzil bazarına mənfi təsir göstərən amildir".

Ekpert bildirib ki, kəskin qiymət artımı olmasa da, Bakıdakı söküntü işləri ilə əlaqədar olaraq qiymətlər yüksələcək.

Ülkər Abdurahmanlı