40 ildən sonra şərti azadlığa buraxılan məhbus yenidən həbs edildi

Əvvəllər dörd quldurluq üzrə məhkum olunmuş 71 yaşlı Brüs Edvard Bell keçən ay yenidən cinayət törədib. O, Los-Ancelesdə bank qarət edib və külli miqdarda pulla qaçıb.

Sfera.az xəbər verir ki, həmin şəxs 60 min dollar oğurlayaraq qaçsa da, polis onu yaxalaya bilib. Məlum olub ki, Bellin bank işçisini hədələdiyi tapança saxta imiş.

Brüs Edvard Bell “karyerası” ərzində oxşar cinayətlərə görə dörd dəfə həbs edilib. Ümumilikdə o, həyatının 40 ildən çoxunu dəmir barmaqlıqlar arxasında keçirib.

Bell dekabrın 21-də yenidən həbs edilib. Polis əməkdaşları iddia edirlər ki, təkrar cinayət törədən yaşlı şəxs binaya daxil olub və qadağan olunmuş ərazinin qapısını açmağı tələb edərək, işçiyə silah tuşlayıb.

Şahidlər avtomobil haqqında polisə məlumat veriblər, polis həmin təsvirə uyğun gələn avtomobillərdən birini Foothill ərazisində tapıb.

Polis avtomobildə odlu silah və 64 min dollar pul aşkarlayaraq, onları müsadirə edib.

Los Anceles Polis Departamentinin məlumatına görə, Bell həbs edilərkən nəzarət altında olub. O, 2021-ci ilin iyulunda şərti azadlığa buraxılıb.

Aysel

Sfera.az