Əhali Sənaye Bankından əmanətlərini çıxarır – SƏBƏB

Azərbaycan Sənaye Bankının (ASB) 2023-cü ilə dair açıqladığı məlumatlardan görünür ki, ötən il fiziki şəxslərin bankda olan əmanətlərində nəzərəçarpacaq azalma baş verib. 

Sfera.az xəbər verir ki, 2023-cü ildə əhalinin ASB-də olan pullarının bir hissəsini götürməsi nəticəsində bankın öhdəlikləri azalıb. 

2022-ci ildə 637,56 milyon manat olan öhdəliklərin həcmi ötən il 635 milyon manata geriləyib. 

Bankın açıqladığı məlumatlardan görünür ki, fiziki şəxslərin 2022-ci ilin sonunda ASB-də 353 milyon manatdan çox əmanəti olub. 2023-cü ilin sonunda əmanətlərin həcmi 310 milyon manata düşüb. Buradan göründüyü kimi, son bir ildə əhali bankdan 43 milyon manat pulunu, yəni bütün pulunun 12,2 faizini götürüb. 

Əhalinin ASB-dən əmanətlərinin bir hissəsini götürməsinin səbəbi əmanət faizlərinin çox aşağı olması ilə bağlıdır. Bank, qoyulan əmanətlərə görə ildə 6 faiz gəlir vəd edir. 

Əmanət faizlərinin aşağı olması bankın faiz gəlirlərinin artmasına imkan yaradıb. ASB ucuz vəsait cəlb edərək yüksək faizlə kredir verir ki, bu da bankın faiz gəlirlərini artırır. 2023-cü ildə bankın faiz gəlirlərində 8,1 milyon manatdan çox, yaxud 32 faiz artım qeydə alınıb. 

Faizlərin aşağı olması əhalinin ASB-də olan əmanətlərinin həcminin azalmasına əsas yaradır. 

Altay