Yoxsulların sayı artıb - ARAŞDIRMA
2019-cu ildən bəri dünyada 4,8 milyard insan yoxsullaşıb.
Sfera.az xəbər verir ki, bununla bağlı məlumatı Böyük Britaniyanın “Oxfam” təşkilatı yayıb.
Son 4 ildə yoxsul əhalinin xüsusi çəkisi artmaqla bərabər zəngin insanların sayı və payı da artıb. Araşdırmaya görə, hazırda dünya aktivlərinin təxminən yarısı (43%) dünya sakinlərinin ən zəngin 1%-nə məxsusdur və ötən müddət ərzində milyarderlər sərvətlərini daha da artırıblar.
Dünyadakı ümumi gəlirin (təxminən 42 milyard dollar) 63 faizi, yəni 26 trilyon dollarını ən zəngin insanlar toplayıblar. Əhalinin qalan 99 faizi isə cəmi 16 trilyon gəlirə sahib olub.
“Oxfam”ın hazırladığı hesabata əsasən, oxşar proseslər Avropa İttifaqında da gedib. Avropa İttifaqının beş ən varlı milyarderi sərvətlərini 76 faiz (244 milyard avrodan 429 milyard avroya) artıraraq, saatda 5,7 milyon avro qazanıblar. Amma ittifaq əhalisinin 99 faizi yoxsullaşıb.
“Oxfam”ın hesabatı göstərir ki, pandemiyadan sonra yüksək inflyasiyanın baş verməsi zənginlərin daha da zənginləşməsinə, kasıbların isə bir qədər də kasıblaşmasına səbəb olub. Məhz yüksək inflyasiya gəlirin kasıb və orta təbəqədən yuxarı və zəngin təbəqəyə doğru hərəkət etməsinə şərait yaradıb.
Vasif
