Qışda mütləq yeyilməlidir - Kivi arıqladır?

Kivi bir çox insanın sevimli meyvələrindən birinə çevrilən həm şirin, həm də turş dada malik meyvədir. Bu kiçik, tüklü meyvə zəngin C vitamini, lif və antioksidant mənbəyidir. Kivi orqanizmin normal işləməsini təmin edir.
 

Qışda kivini qida rasionuna daxil etmək xüsusilə vacibdir. Çünki kivi bir çox faydalara malikdir.


Sfera.az kivinin digər faydalarını təqdim edir.

Vitamin C mənbəyi

Kivi, immunitet sistemini gücləndirməkdə mühüm rol oynayan yüksək miqdarda C vitamini ilə zəngindir. Qida mütəxəssisi Arçana Batra deyir:

“Bir kivi orqanizmi gündəlik C vitamini dozasından daha çoxu ilə təmin edə bilir, orqanizmin xəstəliklərlə mübarizə aparmasına və immunitetin güclənməsinə kömək edir”.

Tərkibində antioksidantlar var

Kivi orqanizmin stresslə mübarizə aparmasına kömək edən polifenollar və karotenoidlər də daxil olmaqla antioksidantlarla zəngindir. Bu antioksidanlar sərbəst radikalları neytrallaşdırmaqda, iltihabı azaltmaqda və xroniki xəstəlik riskini azaltmaqda rol oynayır.

Çəkiyə nəzarətə kömək edir

Şirin dadına baxmayaraq, kivi nisbətən az kalorili və az yağlıdır, bu da onu arıqlamaq istəyənlər üçün əla alternativ edir. Kivinin lif və az kalorili tərkibinin birləşməsi toxluq hissini artırır, iştahı idarə etməyə kömək edir, arıqlamağa və çəkini qorumağa kömək edir.

Həzmi yaxşılaşdırır

Kivi həzmi və bağırsaqların normal işləməsini təmin edən fantastik qida mənbəyidir. Dr. Batra deyir:

"Kivinin tərkibindəki həll olunan liflər bağırsağın müntəzəm yaxşı işləməsinə kömək edir, həll olunmayan lif isə qəbizliyin qarşısını alır".

Qida rasionuna kivi daxil etmək həzm sistemini yaxşılaşdırmağa kömək edə bilər.

Dəri üçün ideal kollagen mənbəyidir

Kivinin tərkibindəki C vitamini və antioksidantları kollagen sintezini özündə birləşdirir və dərini oksidləşdirici zədələrdən qoruyaraq onu gözəlləşdirir. Kivinin müntəzəm qəbulu dərinin daha sağlam və parlaq olmasına kömək edir.

Ürəyə yaxşı təsir göstərir

Kividə ürək sağlamlığı üçün vacib mineral olan yüksək miqdarda kalium olur. Doktor Batra izah edir:

“Bu mineral qan təzyiqini tənzimləməyə kömək edir, ürək-damar xəstəlikləri riskini azaldır. Kivinin tərkibindəki kaliumun qan damarlarının fəaliyyətinə yaxşı təsir etdiyi də məlumdur. “Nutrition Journal”da dərc edilən bir araşdırmaya görə, həftədə ən azı bir kivi yemək plazma lipid profili ilə birbaşa əlaqəlidir. Bu, xolesterol səviyyəsinin aşağı düşməsi deməkdir.


Qan şəkərinin səviyyəsinə nəzarət edir

Kivi qan şəkərinin idarə olunmasına müsbət təsir göstərir. Tərkibindəki lif və aşağı glisemik indeks kivini diabetli insanlar və ya qan şəkəri səviyyələrini tənzimləmək istəyənlər üçün faydalı meyvə halına gətirir.

Yuxu keyfiyyətini yaxşılaşdırır


Kivinin tərkibində əhvalın tənzimlənməsi və yuxu ilə əlaqəli olan serotonin var. Doktor Batranın sözlərinə görə:

“Yatmazdan əvvəl kivi yemək yuxunun keyfiyyətini və müddətini yaxşılaşdırmağa kömək edir ki, bu da yuxu pozğunluğu ilə mübarizənin təbii və ən sağlam yoludur.
 

Osteoporoz riskini azaldır
 

Kivinin tərkibində sümüklər üçün vacib qida olan K vitamini var. K vitamininin kifayət qədər qəbulu kalsiumun udulmasına kömək edir, sümükləri gücləndirir.
 

Göz sağlamlığı üçün faydalıdır
 

Qeyd etdiyimiz kimi, kivi vitaminlər, minerallar və antioksidantlarla zəngindir ki, bu da görmə qabiliyyətini yaxşılaşdırmağa kömək edir. Kivi makula degenerasiyası və diabetik retinopatiyanın qarşısını alır. Bu, görmə itkisinin inkişafını yavaşlatmaq deməkdir.

Kivi əksər insanlar üçün təhlükəsiz hesab edilsə də, əks göstəriciləri də var: bir neçə potensial riskdən xəbərdar olmaq lazımdır. Bəzi insanların kiviyə qarşı allergiyası ola bilər. Belə allergiyası olan insanlarda qaşınma, şişlik müşahidə edilə və ya nəfəs almaqda çətinlik çəkə bilərlər. Bundan əlavə, kivinin tərkibindəki yüksək C vitamini tərkibi həssas insanlarda həzm problemlərinə və ya allergik reaksiyalara səbəb ola bilər. Probleminiz varsa və ya hər hansı bir mənfi reaksiya ilə qarşılaşırsınızsa, mütləq həkiminizlə məsləhətləşin.

Aysel

Sfera.az