Almaniyanın “Bild” nəşri əldə etdiyi məxfi sənəd əsasında iddia edib ki, Bundesver (Almaniya ordusu – red.) Rusiyaya qarşı silahlı münaqişəyə hazırlaşır. Nəşrin qeyd etdiyi sənədlərdə yer alan məlumata görə, NATO ilə Rusiya arasında münasibətlərin mümkün kəskinləşməsi bu ilin fevralında baş verə bilər.

Qeyd olunub ki, Bundesver ssenarisində eskalasiya cəmi bir neçə həftədən sonra başlayacaq, ardınca onminlərlə alman əsgəri döyüşə göndəriləcək.

Sfera.az-ın məlumatına görə, Rusiya prezidentinin mətbuat katibi Dmitri Peskov sözügedən məlumatlara reaksiya verib.

Kremlin sözçüsü nəşrin yazısını şərh etmək istəmədiyini deyib:

“Almaniyanın “Bild” nəşrinin Rusiya ilə NATO arasında qarşıdurmanın yaxınlaşdığını göstərən məxfi sənədləri yayması başqa bir saxtakarlıqdır. Son vaxtlar bu nəşr müxtəlif uydurmalar dərc etməkdən çəkinmir”.

Günay