Lirənin məzənnəsində növbəti ANTİREKORD

Bu gün Türkiyədə birjalar açılandan sonra dollar/lirə məzənnəsində yeni rekord göstərici qeydə alınıb. 

Sfera.az xəbər verir ki, dolların məzənnəsi ilk dəfə olaraq 30 lirəni keçib. 

Xatırladaq ki, türk lirəsi 2020-ci ildən sonra sürətlə ucuzlaşır və bu proses hələ də davam edir. 2020-ci ilin sonunda Türkiyədə bir dollar 8 lirədən ucuz idi. Dolların məzənnəsi 2021-ci ilin noyabrında 10 lirəni, 2023-cü ilin mayında 20 lirəni ötüb. 

Lirənin davamlı ucuzlaşmasının səbəbi Türkiyənin cari əməliyyatlar balansında böyük kəsirin olmasıdır. Bu vəziyyət lirəni ucuzlaşdırmaqla yanaşı ölkədə yüksək inflyasiya da yaradır. Həm cari əməliyyatlar balansında kəsirin yaranması, hən də yüksək inflyasiya lirədən qaçışı gücləndirir. 

Lirənin uzuclaşması Azərbaycanda da baş verir. Bu gün Azərbaycan Mərkəzi Bankının elan etdiyi məzənnələrə görə, bir lirə 5,67 qəpikdir. Başqa cür müqayisə etsək, 5,67 manata 100 lirə almaq olar. 

Kommersiya banklarında lirə daha ucuz alınır. Banklarda 100 lirənin nağd alış qiyməti 3,85 manat, nağdsız alış qiyməti 4,4 manat, satış qiyməti isə 6,85 manat təşkil edir. 

Vasif