Turizm sənaye subyektlərinin forumu keçirildi - YENİLƏNDİ + FOTO

Turizm sənaye subyektlərinin forumu keçirildi - YENİLƏNDİ + FOTO

Yanvarın 11-də “İlin yekunları və COP-29 ərəfəsində çağırışlar” mövzusunda turizm sənaye subyektlərinin forumu təşkil olunub.

 

Sfera.az xəbər verir ki, 1000-ə yaxın iştirakçının qatıldığı tədbirdə çıxış edən Azərbaycan Turizm Agentlikləri Assosiasiyasının İdarə Heyətinin sədri Göydəniz Qəhrəmanov 2023-cü ilin ümumilikdə ölkə turizminin inkişafı, turizm sənayesinin bərpası, postpandemiya dövründə Azərbaycanın qlobal turizm arenasında tanıdılması baxımından uğurlu il olduğunu deyib.

 

Göydəniz Qəhrəmanov Prezident İlham Əliyev tərəfindən son 20 ildə turizmin qeyri-neft sektorunun aparıcı qoluna çevrilməsi və ölkəmizin regional turizm destinasiyası kimi tanıdılması istiqamətində aparılan siyasətin turizmin inkişafında əhəmiyyətini vurğulayıb.

 

O, ölkəmizin bu il BMT-nin İqlim Dəyişikliyi üzrə Çərçivə Konvensiyasının Tərəflər Konfransının 29-cu sessiyasına - COP29 kimi mötəbər tədbirə ev sahibliyi etməsinin turizm sənayesinin üzərinə yeni vəzifələr qoyduğunu, qonaqların ən yüksək səviyyədə qarşılanması və Azərbaycan haqqında müsbət təəssüratlarla geri dönmələri üçün səfərbər olmağın önəmini diqqətə çatdırıb.

 

Ölkəyə səfər edən əcnəbi vətəndaşların sayının artıdığını və prioritet bazarların coğrafiyasının ildən-ilə genişləndiyini, bu amilin Azərbaycanda hotel sənayesinin inkişafına müsbət təsir göstərdiyini vurğulayan Azərbaycan Hotellər Assosiasiyasının İdarə Heyətinin sədri Eldar Əlimuradov son 20 ildə paytaxt Bakı ilə yanaşı bir sıra bölgələrdə 10-larla müasir hotel və yerləşmə obyektlərinin inşa olunduğunu qeyd edib.

 

Forumda çıxış edən Azərbaycan Bələdçilər Assosiasiyasının baş katibi Tural Musayev Azərbaycan tarixinin, mədəniyyətinin, memarlığının, kulinariyasının və turizmə bağlı digər sahələrin ölkəyə səfər edən əcnəbi qonaqlara tanıdılmasında bələdçilərin xüsusi rol oynadığını, bu peşəyə ildən-ilə marağın artdığını, bələdçiliyin artıq həvəskarlıqdan çıxaraq peşəkarlaşdığını bildirib. O, ölkədəki sabitlik və təhlükəsizlik amilinin əcnəbi turistlər tərəfindən yüksək dəyərləndirilidiyini vurğulayıb.

 

Suverenliyimizin və ərazi bütövlüyümüzün tam bərpasından sonra Azərbaycanın ölkə xaricində təbliğində turizm blogerlərinin daha geniş və sərbəst şəkildə tanıtım kompaniyaları həyata keçirdiyini qeyd edən Azərbaycan Turizm Blogerləri Assosiasiyasının İdarə Heyətinin sədri Azər Qəribov bu formatlı təbliğat tədbirlərinin gələcəkdə də coğrafiyasının genişləndiriləcəyini bildirib.

 

Tədbir “Turizmin inkişafında biznes-dövlət əməkdaşlığı, son 20 il ərzində əldə edilən uğurlar” və “COP-29 ərəfəsində imkanlar və çağırışlar, turizm sənayesindən gözləntilər” mövzusunda panel müzakirələrlə davam edib, turizm nümayəndələrini maraqlandıran suallar cavablandırılıb.

 

Forum çərçivəsində turizm sənayesi üzrə fəaliyyət göstərən ictimai birliklər adından Prezident İlham Əliyevin siyasətinin davam etməsini arzulayan birgə bəyanat qəbul edilib. Bəyanatda dövlət başçısı tərəfindən aparılan siyasətə tam dəstək ifadə olunub.

 

***

10:15

 

Azərbaycan Turizm Agentlikləri Assosiasiyasının forumuna start verilib.

 

Sfera.az xəbər verir ki, ATAA-nın təşkilatçılığı ilə “Turizm sənaye subyektlərinin ilin yekunları və COP29 ərəfəsində çağırışlar” mövzusunda forumu başlayıb.

 

Tədbiri ATAA-nın İdarə heyətinin sədri Göydəniz Qəhrəmanov açıq elan edib.

 

Qeyd edək ki, Bakı Konqres Mərkəzində baş tutan tədbirdə 1000-ə yaxın şəxs iştirak edir.

 

Firuzə Əliyeva


OXŞAR XƏBƏRLƏR

Ali məktəblərə keçid balları artırıla bilər

Ali təhsil müəssələrində keçid ballarının artacağı gözlənilir. Buna səbəb isə bu il qəbul imtahanının birinci mərhələsində abituriyent sayının ötən ilə nisbətən...

“Müharibəyə tam hazır olmalıyıq" - Kim Çen In

Şimali Koreya lideri Kim Çen In xüsusi təyinatlı qüvvələrin taktiki hərbi təlimində iştirak edərək, ordunun əsas vəzifəsinin “müharibəyə tam hazır olmaq&r...

“McDonald’s”dan maraqlı addım - 21 yaşdan kiçik şəxslər buraxılmayacaq

ABŞ-nin Virciniya ştatının Franconia bölgəsində yerləşən bir “McDonald’s” filialı  bölgədə artan şagird zorakılığı və müştəri şikayətləri...

"Tramp Çindən mənfəət əldə etməyi düşünür" - AÇIQLAMA

ABŞ Prezidenti Donald Trampın İsveçrədə keçirilən görüşlərdən sonra verdiyi açıqlamalar, 2025-ci ilin may ayında ABŞ və Çin arasında əldə olunan müvəqqəti ticar...

Bu şirkət 11 min iş yerini ixtisar edəcək

Yaponiyanın avtomobil istehsalçısı "Nissan" zəif satışlar fonunda biznesini sarsıtdığı üçün dünya üzrə daha 11 000 iş yerini ixtisar edəcəyini və yedd...

Bakıda qızı küçədə "soyundurub" reklam çəkdilər - VİDEO

Məşhur mağazalar şəbəkəsi Bakıda çəkdirdiyi reklam videosuna görə kəskin tənqid edilib.   Sfera.az Milli.Az-a istinadən xəbər verir ki, küç...