2024-cü ilin ilk günlərində ABŞ-ın şərq sahillərini dağıdıcı tornadolar bürüyüb. Tornadolar ABŞ-ın şərq sahillərini demək olar ki, silib-süpürür.
 

Sfera.az bildirir ki, ən çox zərər çəkən şəhərlər Marianna, Panama City və Fort Lauderdale olub.

Ən azı 4 nəfər ölüb, 87 mindən çox insan işıqsız qalıb. Tikililərə, elektrik xətlərinə və dəniz gəmilərinə daha çox ziyan dəyib.
 

Ən çox zərər çəkmiş Fort Lauderdale səlahiyyətliləri təbii fəlakət nəticəsində itkilərin olmadığını və dəymiş ziyanın cüzi olduğunu bildirir. Eyni zamanda, təbii fəlakətin foto və videoları internetdə yayılır. Şahidlər qıf buludları, su axıntıları və zərərli küləklər müşahidə edildiyini bildirir.

Sinoptiklər yaxın günlərdə Floridada hava şəraitinin daha da pisləşəcəyini proqnozlaşdırırlar. Daha bir güclü qasırğanın ölkənin şərqinə doğru hərəkət edəcəyi gözlənilir. Mütəxəssislər bildirirlər ki, Cənubi Floridada kəskin hava şəraiti güclü fırtına sistemi və əvvəllər Tampa Körfəzi bölgəsindən keçən, davamlı leysan yağışlarına səbəb olan soyuq cəbhə ilə bağlıdır.

Digər ştatlarda da pis hava şəraiti hökm sürür.

Sunshine bölgəsində fövqəladə hallar xidmətlərinə pis hava, qatı buludları, daşqınlar və dağıdıcı küləklər barədə məlumat daxil olub.

Mayamidə Federal magistralın yaxınlığında tornado qeydə alınıb. Məlumata görə, ən güclü tufan Arizona ştatının Pine Island sahillərində olub. Burada küləyin sürəti saatda 52 milə çatıb.


ABŞ-ın şimal-şərqində fırtına güclü qar yağdırıb. New England bölgələrində 6-12 metr qar yığılması gözlənilir. Sakinlərdən hava şəraiti ilə bağlı yeniliklərdən xəbərdar olmaq, havanın dinamik şəkildə dəyişməyə davam etdiyi üçün lazımi tədbirlər görmək xahiş olunub.

Aynil
Sfera.az