Məlum olduğu kimi, Kral ailəsinin yazılmamış qanunları var. Lakin Şahzadə Diana bütün dünyaya qaydaların pozulmaq üçün yaradıldığını göstərib.
 

Sfera.az bildirir ki, eksperimentlərə olan bütün sevgisi ilə Diana, hələ 1990-cı illərdə Fransız manikür tərzini dəbə gətirmişdi. Diana fransız manikürünün pərəstişkarı idi. "The Crown" serialının son seriyasından sonra isə bu manikür yeni populyarlıq qazanıb.
 

Şahzadə kral ailəsinin sərt qaydalarını sistematik şəkildə pozması ilə tanınırdı. O, oğulları Şahzadə Uilyam və Şahzadə Harrini “McDonald's”a aparır, normal valideynlik yaşatmaq üçün onlarla birlikdə gəmilərə minirdi.


Bunlardan əlavə, Ledi Diana rəngli tayt geyinməsi, boyunbağı kimi tac taxması, mavi göz layner çəkməsi və dırnaqlarını parlaq qırmızı lakla boyaması ilə məşhur idi. Bu, kral ailəsindən olan bütün xanımların təmkinli və sadə manikürə üstünlük verdiyi zamanlara təsadüf edirdi.
 

Kraliça Elizabet isə həmişə “Essie's Ballet Slippers” kimi incə çalarlara üstünlük verirdi.
 

Fransız manikürü son illərdə bəzi dəyişikliklərə məruz qalsa da, heç vaxt dəbdən düşməyib. Dar uclu dırnaqlar və badam quruluşu bu manikür tərzinə müasir bir forma bəxş edir. Lakin xanımlar daha çox 1990-cı illərin forma və üslubunun yenidən görünməsini istəyir. 1990-cı illərin dəbi isə şişkin üslublu, düz və geniş çiyinlərə bənzəyir.

Aysel

Sfera.az