“Avropada Ukrayana dəstəklə bağlı şübhələr var. Hiss olunur ki, ABŞ da tərəddüd edir. Amma biz Kiyevin təhlükəsizliyini dəstəkləməyə və gücləndirməyə davam etməliyik”.

Bunu Fransa Prezidenti Emmanuel Makron deyib. O söyləyib ki, Ukraynanın dəstəklənməsi Avropaya sülh şəraitində yaşamağa imkan verəcək:

“Biz Rusiya ilə müharibə aparmırıq. Amma Rusiyanın qalib gəlməsinə imkan verməməliyik”.

Fransa lideri ölkəsinin mühüm qərarlar qəbul edəcəyini deyib, lakin detalları açıqlamayıb.

Bununl bağlı Sfera.az-a açıqlama verən siyasi şərhçi Kənan Novruzov deyib ki, gələcəkdə hazırkı fikrir ayrılığının daha da güclənməsi gözləniləndir:

“Ukraynadakı müharibə uzandıqca, vəziyyət mürəkkəbləşdikcə Qərbdəki ziddiyət də dərinləşəcək. Bu isə öz növbəsində Qərbin mövqeyinə, o cümlədən dəstək məsələsinə təsir göstərəcək. Gələcəkdə hərbi yardımın bir qədər azaldılması və daha da gecikdirilməsi istisna deyil. Fransa dövlət başçısının mühüm qərarlar barədə açıqlamasına gəldikdə isə rəsmi Parisin mövqeyində, yəqin ki, ciddi dəyişiklik olmayacaq”.

Müsahibimiz bildirib ki, Makron hökuməti Ukraynadakı müharibə ilə bağlı hazırkı mövqeyini davam etdirəcək:

“Mövcud dəstəyin kəskin şəkildə azaldılması və ya artırılması gözlənilmir. Sadəcə olaraq, Makron öz xeyrinə ictimai rəy yaratmağa, diqqət qazanmağa çalışıb”.

Günay