ABŞ-ın Florida ştatından olan keçmiş stüardessa Meredith Shay evini sataraq üç illik səyahət üçün (“Life at Sea Cruises”) bilet alıb. Yeddinci mərtəbədəki kabinədəki yer qadına 562 min dollara başa gəlib. Təəssüf ki, bu ilin noyabrında gözlənilmədən uçuş təxirə salınıb.
 

Sfera.az bildirir ki, dünya turu iki dəfə təxirə salınıb. Noyabrın 17-də Life at Sea kruizi rəsmi olaraq ləğv edildiyini sərnişinlərə bildirib.

Kruiz ilkin olaraq noyabrın 1-də Türkiyənin İstanbul şəhərindən yola düşməli idi. Səyahət yeddi qitəni, 135 ölkəni və 375 limanı əhatə etməyi nəzərdə tuturdu.
“Life at Sea” sərnişinlərə belə uzun səyahətə gəmi olmadığı üçün rəsmi olaraq ləğv edildiyini bildirib.


"Mən Namibiyanı və Seyşel adalarını ilk dəfə görmək istəyirdim. Mənim üçün böyük bir üstünlük yemək bişirmək məcburiyyəti olamaması idi. Səyahətin ləğv olunduğunu biləndə 12 saat məhv oldum. Hətta özüm üçün bir yas gecəsi keçirdim” - deyə Şey müsahibəsində bildirib.

Amerikalı artıq çamadanlarını qismən yığıb: o, yay köynəkləri, həmçinin dəniz həssaslığına qarşı həblər və vitaminlər alıb.

“Life at Sea” kruizinin təşkilatçıları sərnişinlərdən üzr istəyib və yaxın vaxtlarda biletlərin pulunu qaytaracaqlarına söz veriblər. Qadının məhkəməyə müraciət edib-etməyəcəyi hələlik məlum deyil.

Aynil
Sfera.az