İsrail ordusu Qəzza zolağında HƏMAS-ın 800 tunelini aşkar etdi
![İsrail ordusu Qəzza zolağında HƏMAS-ın 800 tunelini aşkar etdi](https://sfera.az/photo/orginal/2023/12/03/1701615018_resize-2023-12-03t184859.007.jpg)
Dünya
18:49 / 03.12.2023
7272
İsrail Müdafiə Qüvvələrinin (IDF) əsgərləri Qəzza zolağında Fələstinin radikal HƏMAS hərəkatının 800-dən çox tunelini aşkarlayıb və onlardan 500-ə yaxınını müxtəlif vasitələrlə məhv ediblər.
Sfera.az xəbər verir ki, bu barədə ordunun mətbuat xidməti məlumat yayıb.
Mətbuat xidməti qeyd edib ki, tunellər yaşayış massivlərində, bir çoxu məktəb, uşaq bağçası, məscid və uşaq meydançaları kimi mülki bina və tikililərin yaxınlığında və ya içərisində yerləşiblər.
“IDF əsgərləri bəzi tunellərdə çoxlu silah-sursat aşkar edib və bu, HƏMAS-ın Qəzza zolağında terror fəaliyyətləri üçün qəsdən mülki əhalidən və infrastrukturdan necə istifadə etdiyinə dair əlavə sübutlar üzə çıxarıb”, - deyə ordu əlavə edib./Oxu.az