Sabiq bank sədri məhkəmə zalında HƏBS OLUNDU

Sabiq bank sədri məhkəmə zalında HƏBS OLUNDU

Ləğv olunmuş “AtraBank”ın İdarə Heyətinin sabiq sədri Elmixan Nəbiyev dövlət ittihamçısının protesti əsasında məhkəmə zalında həbs olunub.

 

Sfera.az xəbər verir ki, hökm Bakı Apellyasiya Məhkəməsində hakim Emin Mehdiyevin sədrliyi ilə keçirilən iclasda elan olunub.

 

E.Nəbiyev bankın İdarə Heyətinin sədri vəzifəsində işləyərkən özgə malını mənimsəmədə ittiham edilərək, 6 il 6 ay müddətə azadlıqdan məhrum edilib.

 

O Cinayət Məcəlləsinin 178.2.2 (təkrar dələduzluq), 178.2.3, (qulluq mövqeyindən istifadə etməklə xeyli miqdarda dələduzluq), 178.2.4 (qulluq mövqeyindən istifadə etməklə xeyli miqdarda dələduzluq), 179.3.2-ci (mütəşəkkil dəstə tərəfindən və külli miqdarda mənimsəmə) maddələri üzrə təqsirli bilinib.

 

Xatırladaq ki, Bakı Ağır Cinayətlər Məhkəməsinin 5 iyul 2018-ci il hökmü əsasında E.Nəbiyevə 308.2-ci (vəzifə səlahiyyətlərindən sui-istifadə ağır nəticələrə səbəb olduqda) maddə ilə şərti cəza verilib. O zaman E.Nəbiyev məhkəmə zalından azadlığa buraxılmışdı.

 

E.Nəbiyevin ümumilikdə 8 milyon 405 min manat məbləğində qanunsuz kreditlər rəsmiləşdirərək Mərkəzi Bankın tələb etdiyi formal məcmu nizamnamə kapitalına malik olması görüntüsü yaratmasında, eyni zamanda ayrı-ayrı fiziki şəxslərin adlarına ümumilikdə 809 min manat kredit rəsmiləşdirib mənimsəməklə talamasında ittiham edilirdi.

 

Hökmdən narazı qalan dövlət ittihamçısı Ali Məhkəməyə müraciət edib. Ali Məhkəmə öz növbəsində kassasiya şikayətini qəbul edərək Bakı Apellyasiya Məhkəməsinə göndərib.

 

“AtraBank” Ali Məhkəmənin 11 avqust 2016-cı il tarixli qərarı ilə ləğv olunub. (Report)


OXŞAR XƏBƏRLƏR

Bələdiyyələr pulu daha çox nəyə xərcləyir? – STATİSTİKA

Azərbaycanda fəaliyyət göstərən 1 606 bələdiyyə (yerli özünüidarəetmə orqanı) ötən il 52 870 min manat xərcləyib.    Sfera.az Dövlət Statistika ...

Çin defilyasiyaya gedir – idxal malları UCUZLAŞA BİLƏR

Çinin Milli Statistika Bürosu (UIB) 2024-cü ilin mart ayında qiymət artımları ilə bağlı məlumatı açıqlayıb.    Sfera.az UIB-in məlumatlarına ist...

Ermənistan KTMT-nin Hərbi Komitəsinin iclasında iştirak ETMƏDİ

Ermənistan Kollektiv Təhlükəsizlik Müqaviləsi Təşkilatı (KTMT) ölkələri arasında hərbi əməkdaşlığın inkişafı üzrə Hərbi Komitənin iclasında iştirak etməyib. ...

Azərbaycanın məşhur Əməkdar artisti VƏFAT ETDİ - FOTO

Əməkdar artist Namis Şirməmmədov vəfat edib.   Sfera.az xəbər verir ki, o, uzun sürən xəstəlikdən sonra 62 yaşında dünyasını dəyişib.   Na...

Fələstinin BMT-yə üzvlüyü ilə bağlı təklif QƏBUL EDİLMƏYİB

Birləşmiş Millətlər Təşkilatının Təhlükəsizlik Şurası Fələstinin təşkilatın tamhüquqlu üzvlüyünə qəbulu ilə bağlı razılığa gələ bilməyib.   Sfera.az-...

Tacikistan Prezidenti Azərbaycana səfər edəcək

Tacikistan Prezidenti Emoməli Rəhmon bu il mayın üçüncü ongünlüyündə Azərbaycana dövlət səfəri etməyi planlaşdırır.   Sfera.az xəbər verir ki, bu bar...