Su da zəhərləyir, əlamətləri bunlardır – Ekspertdən AÇIQLAMA

“İnsanlar sudan da zəhərlənə bilər”.

Bunu Sfera.az-a açıqlamasında qida məsələləri üzrə mütəxəssis Ağa Salamov deyib. Onun sözlərinə görə, belə hallar suyun çox istehlak olunmasından yaranır:

“Bəzi adamlar suyun çox faydalı olduğunu düşünür. Düzdür, bu belədir. Amma çox içiləndə, qanda suyun balansı pozulur. Çünki natriumun səviyyəsi aşağı düşür. Natriumun qanda rolu mayenin balanslaşdırılmasıdır və azaldığı təqdirdə hüceyrələr şişməyə başlayır. Bu da birbaşa beyinə təsir edir”.

Mütəxəssis qeyd edib ki, nəticədə su zəhərlənməsi baş verir: “Simptomları isə baş ağrısı, əzələ ağrıları, ürək ritminin pozuntuları, ödəm, şişkinlikdir. Bundan qorunmaq üçün gərək insanlar həddən artıq su içməsin”.

Günay