Meqan Marklın ögey bacısı Samanta Markl hersoginyanı böhtan atmaqda günahlandırıb.

Sfera.az bildirir ki, ögey bacısı Meqan Marklı 2021-ci ildə verdiyi müsahibədə və 2022-ci il Netflix serialında böhtan atmaqda ittiham edib.

58 yaşlı Samanta iddia edir ki, Meqan müsahibələrində onun "saxtakar", "fürsətçi" və "şarlatan" olduğunu bildirib. İddia 2022-ci ilin martında qaldırılıb və bu ilin martında rədd edilib. Buna baxmayaraq, Samanta işi yenidən məhkəməyə verib.

Samanta Markl Sussex hersoginyasına qarşı böhtan iddiası ilə yenidən Florida məhkəməsi qarşısına çıxıb.

O, Meqanın sözlərinin “Şahzadə Puşinin bacısının gündəliyi” kitabının satışlarını zəiflətdiyini və ona maddi zərər vurduğunu iddia edərək, 75.000 dollardan çox təzminat tələb edir.

Samantanın vəkili Peter Ticktin dağınıq skleroz xəstəsi olan və əlil arabasından istifadə edən müvəkkilinin Meqanın müsahibəsindən bəri təzyiqlərə məruz qaldığını və evdən çıxmaqdan qorxduğunu bildirib.

Meqanın vəkili Michael Kamp isə Samantanın iddiasının əsassız olduğunu bildirib. Onun sözlərinə götə, Meqanın heç bir ifadəsi böhtan olmayıb.

İşə nəzarət edən hakim Çarlin Honeyvellin yaxın həftələrdə məhkəmənin davam edib-etməməsinə qərar verəcəyi gözlənilir.

Məhkəmədən sonra jurnalistlərə açıqlama verən Samanta Markl məhkəmə prosesinin perspektivləri ilə bağlı nikbin olduğunu bildirib.

O, Meqanın sözlərindən incidiyini bildirib. Sussex hersoginyası uşaqlıqda onunla yaxın olmadıqlarını desə də, Samanta bunu təkzib edərək, çox vaxt birlikdə olduqlarını qeyd edib.

Aynil