Ronaldodan gələcəyi ilə bağlı yeni AÇIQLAMA

"Əl-Nəsr"in hücumçusu Kriştiano Ronaldo karyerasını ən azı 2024/25 mövsümünün sonuna qədər davam etdirməyi planlaşdırdığını bildirib. 

Sfera.az xəbər verir ki, gələn il 39 yaşı olacaq portuqaliyalı hücumçu "O Jogo"ya açıqlamasında deyib:

“Azarkeşlər məni sevindirir və mən də cavab verirəm. Bu və növbəti mövsümdə oynamağa davam edəcəyəm. Sonra bədənimə baxıb, gələcəyimlə bağlı düşünəcəyəm. Məni zirvələrə çatdıran zəhmətdir. Komandam olmasaydı, bunların heç biri baş verməzdi. Xüsusilə beynəlxalq və səfər fasilələrindən sonra çətin oyun oldu. Səudiyyə Ərəbistanında olduğum üçün xoşbəxtəm. Çox sevinirəm ki, 38 yaşımda hələ də komandama kömək edirəm".