Sosial şəbəkələrdə anonsu verilən müharibə realdır? – Tanınmış hərbi ekspertdən AÇIQLAMA

Sosial şəbəkələrdə anonsu verilən müharibə realdır? – Tanınmış hərbi ekspertdən AÇIQLAMA

Son vaxtlar sosial şəbəkələrdə, eləcə də mediada yaxın günlərdə müharibənin başlayacağı ilə bağlı informasiyalar tirajlanır. Bu isə cəmiyyətdə ajiotaj yaradır.

 

Maraqlıdır, rəsmi açıqlama olmadan irəli sürülən bu kimi proqnozlar nəyə hesablanıb? Ümumiyyətlə, Ermənistanla yeni bir müharibə nə dərəcədə realdır?

 

Mövzu ilə bağlı Sfera.az-a açıqlama verən ehtiyatda olan polkovnik, hərbi ekspert Şair Ramaldanov Ermənistan ordusunun silahlanması fonunda mümkün müharibə ehtimalı haqqında danışıb:

 

“Hazırda Ermənistanla sülh müqaviləsi olmadığından atəşkəs rejimindəyik. Buna baxmayaraq, son zamanlar hər gün atəşkəsin pozulmasına, hansısa təxribatlara cəhdlərin edilməsinə və ümumiyyətlə, vəziyyətin gərginliyə doğru getməsinə şahidlik edirik. Ancaq hazırda gedən proseslər proqnozların əksinə olaraq, müharibədən xəbər vermir. Düzdür, belə bir deyim var: sülh istəyirsən, müharibəyə hazır ol. Bu baxımdan biz müharibəyə həmişə hazırıq. Lakin insanların əsəbləri ilə oynamaq və cəmiyyəti gərgin vəziyyətdə saxlamağa ehtiyac yoxdur.

 

Birincisi, mən deyərdim ki, Azərbaycan əsas məsələni həll edib, yəni işğalçı qüvvələri darmadağın edib və ərazi bütövlüyü bərpa olunub. İkincisi, Azərbaycan ordusu gündən-günə güclənir və bu gün Azərbaycan ordusu ikinci Qarabağ savaşından öncə olan ordudan güclüdür. Çünki Azərbaycanda aparılan islahatlar və Azərbaycanın Silahlı Qüvvələrinin Müzəffər Ali Baş Komandanı, Azərbaycan Respublika Prezidenti İlham Əliyevin səyi nəticəsində Azərbaycan Ordusu ən müasir texnika ilə təmin olunur.

 

Cənab prezidentin Laçında dediyi kimi, Azərbaycan ordusu nə lazımdırsa onu alır və alacaq. Ona görə də beynəlxalq statistik qurumların verdiyi qiymətə görə, ordumuz 56 ən güclü ordu sırasındadır.  Ermənistan hazırda silahlanmaya müəyyən cəhdlər etsə də, yenə də Azərbaycanla müqayisədə zəif olaraq qalır. Hazırda Ermənistanın heç bir şansı, imkanı yoxdur ki, Azərbaycan ərazisini işğal edə bilsin və yaxud hansısa irimiqyaslı təxribata gedə bilsin. Ona görə ki, adekvat cavablarla Azərbaycan ordusu bütün bu təxribatların qarşısını ala bilir və düşməni itkiyə məruz qoyur”.

 

Ekspert Azərbaycanın aktiv hərbi əməliyyatlara bir halda keçə biləcəyini deyib. Ş.Ramaldanovun sözlərinə görə, həmin mümkün əməliyyatlar uzun çəkməyəcək:

 

“Ümumiyyətlə, böyük müharibə üçün bu regionda hələ ki, şərait yoxdur. Amma Üçtərəfli Bəyannamənin dördüncü bəndi dinc yolla yerinə yetirilməsə, Azərbaycan ordusu təbii ki, yeni aktiv əməliyyatlara keçib, antiterror əməliyyatı aparacaq. Beləliklə, ordu Azərbaycan ərazisində müvəqqəti yerləşən Rusiya sülhməramlılarının olduğu ərazini qanunsuz silahlardan, terrorçulardan azad edərək orada olan erməni sakinlərini girovdan azad edəcək. Ondan sonra Rusiya sülhməramlı qüvvələri müşahidə qismində reinteqrasiya prosesində iştirak edə, yəni öz vəzifələrini yerinə yetirmək üçün davam edə bilərlər. Bu, müharibə demək deyil, bu, lokal bir döyüşdür. Azərbaycan ordusu bütün əraziləri, o cümlədən terrorçuların mövqeləri yerləşən ərazilərini mühasirə altında saxlayır.

 

Digər tərəfdən, bu gün Ermənistanın nə iqtisadi, nə digər imkanları var ki, hansısa irimiqyaslı əməliyyatlar aparsın. Ermənistan üç il öncə məğlub olmuş bir ölkədir. Ermənistan hələ də psixoloji məğlubiyyət sindromundan qurtarmayıb. Rəsmi İrəvanda hamı, yəni bütün hərbçilər və cəmiyyət də  bilir ki, hər hansı bir təxribat Ermənistana baha başa gələcək.

 

Sosial şəbəkələrdə cürbəcür proqnozlar verilir və bu proqnozları çox vaxt ümumiyyətlə hərbidən başı çıxmayan, təhlil apara bilməyən, təhlil üçün yetərli qədər təcrübəsi, hərbi savadı olmayan insanlar verir. Digər tərəfdən, ermənilər bizim cəmiyyəti gərginlikdə saxlamaq məqsədilə sosial şəbəkələrdə aktivlik göstərirlər. Onlar sosial şəbəkələrdən Azərbaycanlı ad-soyadlarla qeydiyyatdan keçərək müxtəlif şayiələr və feyk məlumatlar yayırlar. Bununla bağlı dəfələrlə xəbərdarlıqlar olub. Ancaq mənə elə gəlir ki, ən böyük xəbərdarlıq, yaxud belə demək olarsa, məhdudiyyət bizim daxilimizdə olmalıdır. Cəmiyyəti narahat vəziyyətdə qoymamalıyıq, bizim cəmiyyət, bizim xalqımız qorxaq deyil və xalqımız lazım olarsa, Ali Baş Komandanın ətrafında sıx birləşərək yenə də dəmir yumruq kimi möhkəm ola bilər. Bunu öz hərəkətimiz və öz birliyimizlə göstərmişik”.

 

Əzizə Zeynal


OXŞAR XƏBƏRLƏR

Qışqıran mumiya - Misir tarixindəki ən böyük anomaliyalardan biri

Qədim Misir dəfn yerləri haqqında düşünəndə ağlımıza əzəmət və dəbdəbə gəlir: fironlar və zadəganların mumiyalanmış qalıqları ilə bəzədilmiş sarkofaqlar. Bununl...

Qoruqdan qaçan 200 keçi şəhəri iflic edib - VİDEO

Amerikanın Arlinqton şəhərində (Texas) qeyri-adi hadisə baş verib. 200-ə yaxın keçi Kristal Kanyon Təbiət Qoruğundakı mühafizədən qaçaraq kəndin küçələri ilə gə...

İsrail müvəqqəti atəşkəslə razılaşdı

İsrail Qəzza zolağında atəşkəs və girovların azad edilməsi ilə bağlı razılaşmanı qəbul edib.   Sfera.az xəbər verir ki, bu barədə AP məlumat yayıb. ...

Hacıqabul gölü ilə bağlı MÜHÜM AÇIQLAMA

“Hacıqabul gölünün bərpası ilə bağlı təkliflər hökumətə təqdim edilib”.   Bunu Milli Məclisin Təbii ehtiyatlar, energetika və ekologiya k...

“Eurovision”da siyasət izi - İslandiya Fələstinli ilə təmsil oluna bilər

Fələstinli pop müğənni Bəşər Murad may ayında keçiriləcək “Eurovision” Mahnı Müsabiqəsində İslandiyanı təmsil edə bilər. Sfera.az bildirir ki, ...

BMW ilə avtoxuliqanlıq edən şəxs “Nikosayağı”nın qohumu imiş - VİDEO

Gəncə şəhərində BMW markalı avtomobillə avtoxuliqanlıq edən sürücü sosial şəbəkələrdə “Nikosayağı” adı ilə tanınan bloger Nicat Şakirlinin qohumu im...