Azərbaycan əhalisinin 7,5 faizi rus, 1,3 faizi ingilis dilində danışa bilir. 

Sfera.az 2019-cu il əhalinin siyahıyaalınma məlumatına əsasən xəbər verir ki, ölkə əhalisinin əsas hissəsini təşkil edən azərbaycanlıların 5,7 faizi (538 min nəfər) rus, 1,3 faizi (123 min nəfər) ingilis dilində danışa bilir. 

Digər etnoslarda rus və ingilis dili bilgisi kəskin fərqlənir. Azərbaycan vətəndaşı olan tatarların 97,8 faizi, ukraynalıların 90,2 faizi, udinlərin 82,2 faizi, yəhudilərin 72 faizi, başqa sözlə, adıçəkilən etnosların nümayəndələrinin əksəriyyəti rus dilində danışır. 

Rus dilini bilmə səviyyəsi ləzgilərdə (39 faiz), ermənilərdə (28 faiz), haputlarda (28 faiz), gürcülərdə (20 faiz), talışlarda (18 faiz), avarlarda (16 faiz) digərlərinə nisbətən yüksəkdir. 

İngilis dilini bilmə səviyyəsi ən yüksək yəhudilərdədir. Azərbaycan vətəndaşı olan yəhudilərin 8,6 faizi ingilis dilində danışa bilir. Digər etnoslardan ukraynalıların 5,3 faizi, rusların 4,8 faizi, tatarların 3,7 faizi, kürdlərin 2 faizi ingilis dilində danışır. 

Vasif