“Bayden prezident olmaq üçün çox qocadır” – YENİ SORĞU

ABŞ prezidenti Co Baydenin səhhəti ilə bağlı narahatlıqlar artmaqda davam edir.

Sfera.az bildirir ki, bu barədə əhali arasında sorğu keçirilib. “Associated Press” xəbər agentliyi və “NORC” İctimai Əlaqələr Araşdırma Mərkəzinin 1165 nəfər arasında keçirdiyi sorğuya əsasən, respondentlərin 77 faizi 80 yaşlı Baydenin daha dörd il prezident olmaq üçün çox “qoca” olduğunu düşünür.

Onların fikrincə, Bayden dəfələrlə yaşına görə problemlər yaşayıb və onun vəzifəsindən imtina etmək zamanıdır.

Xatırladaq ki, ABŞ-da prezident seçkiləri 2024-cü ildə keçiriləcək. Əsas namizədlər Respublikaçı D.Trampla hazırki dövlət başçısı Cozef Baydendir. Birləşmiş Ştatların Konstitusiyasına əsasən, 35 yaşdan yuxarı, ABŞ-da anadan olmuş və ən azı 14 il bu ölkədə yaşamış vətəndaşlar prezidentliyə namizədliyini irəli sürə bilər.

Türkan