Elton Con villasında yıxıldı: xəstəxanaya çatdırıldı

Britaniyalı 76 yaşlı müğənni və bəstəkar Elton Con Fransadakı villasında yıxılaraq xəstəxananın ortopediya şöbəsinə yerləşdirilib.
 

Sfera.az bildirir ki, hərtərəfli müayinədən keçdikdən və lazımi köməklik göstərildikdən sonra musiqiçi evə buraxılıb. Elton Con əri, rejissor Devid Furniş və iki oğlu ilə birlikdə malikanəyə qayıdıb.
 

“Elton Fransanın cənubundakı evində sürüşərək yıxılıb. Ehtiyat tədbiri olaraq o, yerli xəstəxanaya baş çəkib. Müayinədən sonra dərhal evə buraxılıb və hazırda vəziyyəti qənaətbəxşdir"- deyə Eltonun mətbuat nümayəndələri bildiriblər.
 

Xatırladaq ki, Britaniya musiqisinin əfsanəsi iyul ayında beş illik "Fewell Yellow Brick Road" vida turunu başa vurub. Üç həftə əvvəl Eltonu Fransada cinsi təcavüz ittihamlarından yenicə qurtulmuş aktyor Kevin Spacey ilə birlikdə görülüb.
 

Devid Furniş və cütlüyün oğulları 12 yaşlı Zakari və 10 yaşlı İlyas onlarla şam yeməyi ediblər.
 

Qeyd edək ki, müğənnilik karyerası boyunca Elton Con 5 Qremmi mükafatı alıb. O, 50 ildən artıq səhnədə dünya üzrə 4600-ə yaxın konsert verib. Eltonun vida turu isə bütün zamanların ən çox gəlir gətirən turlarından biri olub, bilet satışı 900 milyon dollara çatıb.

Aynil

Sfera.az