Britaniya hakimiyyəti avqust ayında Avropaya istirahətə gedən vətəndaşlarına gənələr tərəfindən yayılan Krım-Konqo hemorragik qızdırması (KKKA) təhlükəsi barədə xəbərdarlıq edib.
 

Sfera.az xəbər verir ki, Şimali Makedoniyada 27 yaşlı gənc qadın KKKA xəstəliyinə tutularaq vəfat edib. ÜST-ün məlumatına görə, yoluxanların 40%-ə qədəri bu xəstəlikdən ölür. Paramediklər artıq qurbanın 67 əlaqəsini tapıblar. Krım-Konqo qızdırmasının insandan insana qan və ya bədən mayeləri ilə keçdiyi bildirilir.
 

Qeyd edək ki, xəstəlik ilk dəfə 1944-cü ildə Krımda aşkar edilib, indi Afrika, Balkanlar, Yaxın Şərq və bir sıra Asiya ölkələrində rast gəlinir.

Həkimlər hesab edirlər ki, adı açıqlanmayan qadın infeksiyaya iyulun 19-da Ştip şəhərində olarkən gənə dişləməsindən sonra yoluxub. Ölkənin İctimai Səhiyyə İnstitutu onun dörd gün sonra xəstəxanaya yerləşdirildiyini bildirib.

Xəstəliyin simptomları zamanla pisləşib. Digər əlamətlər arasında qızdırma, əzələ ağrısı, başgicəllənmə, işığa həssaslıq və ürəkbulanma olub . İnfeksiya orqan çatışmazlığına və qanaxmaya səbəb ola bilər.
 

Eyni zamanda, mütəxəssislər xəstəliyin zonasının genişlənə biləcəyini etiraf edirlər.
 

2016-cı ildən bəri İspaniyada yeddi hadisə, o cümlədən üç ölüm qeydə alınıb.


Krım-Konqo qızdırmasının simptomları:

baş ağrısı;
istilik;
bel və oynaq ağrısı;
qarın ağrısı;
qusma.

Həmçinin qızarmış gözlər və üz, qırmızı boğaz və damaqda qırmızı ləkələr ola bilər.