100 dollara ala biləcəyiniz 3 ən yaxşı telefon
Hazırda smartfon bazarı olduqca genişdir və hətta kiçik bir məbləğə yaxşı, etibarlı cihaz almaq mümkündür. Bəs, bu hansı telefonlardır?
Sfera.az lent.az-a istinadən 100 dollara ala biləcəyiniz ən yaxşı smartfonlaru təqdim edir:
Redmi 12C
3 GB RAM və 64 GB daxili yaddaşa malik Redmi 12C bu gün bazarda mövcud olan ən büdcəli telefondur. O kifayət qədər etibarlı smartfonlardan biridir. Smartfon MediaTek Helio G85 çipsetinə, 6,71 düymlük HD+ IPS ekrana, dərinlik sensoru olan 50 meqapiksellik əsas kameraya və 5 meqapiksellik selfi kamerasına malikdir.
Akkumulyatorun tutumu 5000 mAh-dir, 10 Vt doldurma dəstəyi var və Micro-USB konnektoru ilə təchiz edilib. Smartfon həmçinin arxaya quraşdırılmış barmaq izi skaneri və NFC modulu təklif edir. Ən son modelini təxminən 96 dollara ala bilərsiniz.
Infinix Hot 30i
Infinix Hot 30i-ni təxminən 98 dollara və 4/128 GB modifikasiyada almaq olar. Qurğu 90 Hz təzələmə tezliyi olan 6,56 düymlük HD+ IPS ekran və Unisoc Tiger T606 çipi ilə təchiz edilib. Kamera 13 MP əsas sensor və 8 MP selfi modulu ilə təmsil olunur.
5000 mAh batareya USB-C portu vasitəsilə doldurulur. Təmassız ödənişlər üçün NFC də var.
Realme C33
4/64 GB modifikasiyasında Realme C33 üçün ilk iki cihazdan bir qədər çox - təxminən 110 dollar ödəməli olacaqsınız. Smartfon Unisoc Tiger T612 çipi, 6,5 düymlük HD+ IPS ekran və dərinlik sensorlu 50 MP kamera ilə təchiz edilib.
Həmçinin barmaq izi skaneri, NFC modulu və Micro-USB çıxışı olan 10 Vt şarj cihazı ilə 5000 mAh batareya var.
