Azərbaycanın qaz ixracı neft ixracından çox olub – İlk DƏFƏ
Azərbaycanın qaz ixracından əldə etdiyi gəlir ilk dəfə olaraq neft satışından əldə olunan gəliri ötüb.
Sfera.az Dövlət Gömrük Komitəsinin məlumatlarına istinadən xəbər verir ki, 2023-cü ilin birinci yarısında ölkəmizdən 7,8 milyard dollar dəyərində neft satılıb. Qaz satışından gəlirimiz isə 8,03 milyard dollar olub.
Bu fakt Azərbaycanın xarici ticarət əməliyyatlarında ilk haldır.
Qaz satışının daha çox gəlir gətirməsi onun ixracda payının artmasına da səbəb olub.İlin birinci yarısında ixracımızın 44,7 faizi qaz satışından, 43,4 faizi neft satışından ibarət olub.
Qaz satışından daha çox gəlirin əldə edilməsi ixraca yönəldilən məhsulun həcminin artması, eyni zamanda qazın dəyərinin yüksəlməsi ilə bağlıdır.
Gələcəkdə Azərbaycanın qaz ixracının həcmi daha çox artacaq, neft ixracı isə azalacaq. Buna görə də böyük ehtimalla qaz satışından daxil olacaq ixrac gəlirləri neft ixracından əldə ediləcək gəlirlərdən daima böyük olacaq.
Vasif
