Son günlər dolların qlobal səviyyədə sürətlə ucuzlaşması müşahidə edilir.

Sfera.az xəbər verir ki, dolların qlobal məzənnə dəyərini ifadə edən Dollar İndeksi iyulun 6-da 103 olduğu halda bu gün 99,5 olub. Ötən bir neçə gündə dolların 3,2 faizdən çox ucuzlaşması qeydə alınıb. Dolların ucuzlaşması avro/dollar kursunda da görünür. Bir həftə əvvəl 1,08 dollar olan avro hazırda 1,12 dollardır. Azərbaycanda da avronun bahalaşması baş verir.

Bir həftə əvvəl Mərkəzi Bankın elan etdiyi məzənnə 1,84 manat olduğu halda avronun hazırda rəsmi məzənnəsi 1,91 manatdır. Kommersiya banklarında isə avronun satışı 1,94-ə yüksəlib. Dolların ucuzlaşmasının səbəbi ABŞ-də inflyasiya səviyyəsinin gözləniləndən də aşağı olması ilə bağlıdır.

ABŞ mərkəzi bankı əvvəlki aylarda inflyasiyanı cilovlamaq üçün faiz dərəcələrini artırırdı. Bu artımlardan sonra uçot dərəcəsi 0-0,24 səviyyəsindən 5,5 faizə qədər yüksəldi. Birja analitikləri bildirir ki, inflyasiyanın zəifləməsini nəzərə alaraq, ABŞ mərkəzi bankı faizləri artırmayacaq. Məhz bu gözlənti ilə əlaqədar dollar ucuzlaşır.

Vasif