Hindistanda istilərə görə 96 nəfər dünyasını dəyişib.

Sfera.az bildirir ki, Hindistan Meteorologiya İdarəsinin məlumatına görə, bazar günü Ballia bölgəsində havanın temperaturu 43 dərəcə, yəni mövsüm normalarından 5 dərəcə yüksək olub.

Son iki gündə istilər səbəbindən 42 nəfərin həyatını itirdiyi Bihar əyalətində 200-dən çox adam ishal və qusma şikayətləri ilə xəstəxanalara yerləşdirilib. Meteorologiya idarəsinin verdiyi açıqlamada ən yüksək temperaturun şənbə günü Patnada - 44,7 dərəcə olduğu bildirilib.

Qeyd edilib ki, Hindistanın Mumbay şəhərində son 10 ildə havanın temperaturu mövsümi normaların üzərində olub. Aprel ayında 13 nəfər istilər səbəbindən həyatını itirib.

Türkan