"İşsizliyin aradan qaldırıması məqsədilə 233,5 milyon manat ayrılıb, amma bunların hamısı mənasızdır".

Sfera.az xəbər verir ki, bunu Milli Məclisin plenar iclasında deputat Fazil Mustafa “Azərbaycan Respublikasının 2022-ci il dövlət büdcəsinin icrası haqqında” Azərbaycan Respublikası qanunu layihəsinin müzakirəsi zamanı bildirib. Millət vəkili sahibkarlara aşağı faizlə pul verilməsinin zəruriliyindən danışıb:

"Sahibkarlara aşağı faizlə pul verilmirsə, işsizlik aradan qalxamayacaq. Bunun qarşısını almaq üçün iş yerlərinin açılmasının da mənası olmayacaq. Hətta 2021-ci ildən fərqli olaraq bu vəsait 91 milyon manat artırılıb. Sahibkarlıq subyektləri üçün ayrılan vəsaitləri əldə etmək çətinləşib. Bu işi sadələşdirmək lazımdır. Mütləq təşəbbüskarlıq lazımdır. Bundan başqa, yerli özünüidarəetməni canlandırsaq, dövlət büdcəsinə əlavə vəsaitlər daxil ola bilər".

Millət vəkili təhsillə bağlı problemə də diqqət çəkib:

"Təhsil sektoru ilə bağlı da problemlər var. Məktəblərdə 6 günlük dərslər keçirilir, lakin 1000 yerlik məktəbdə 2500 şagird təhsil alır. Məktəblərdə yerlərin artırılması savadsızlığın inkişafına səbəb olur".

Əzizə Zeynal