"2015-ci ildən turizm sənayesi lisenziyasız fəaliyyət göstərir. Bu, bazarda turizm şirkətlərinin sayının artmasına gətirib çıxarmışdı".

Sfera.az xəbər verir ki, bunu Dövlət Turizm Agentliyinin aparat rəhbəri Kənan Qasımov deyib. O, yeni istifadəyə verilən Turizm İnformasiya Sistemi ilə turizm şirkətləri ilə bağlı problemlərin aradan qalxacağını bildirib:

"Sevindirici haldır ki, bazarda turizm şirkətlərinin sayı çoxdur. Lakin eyni zamanda, Agentliyə bu şirkətlərlə bağlı şikayətlər də daxil olurdu. Turizmin inkişafında bir çox amillər önəmlidir. Amma ən vacib element sənayeni bilmək, sənayeni tanıtmaqdır. Ümid edirik ki, Turizm Reyestri vasitəsilə bir-birimizi tanıyacağıq. Həm əhali, həm də turizm şirkətləri müvafiq şirkətlər üzrə məlumat alıb, onları tanıyacaq. Bu həm turizm şirkətlərinin bazarda formalaşma siyasətini aparacaq, həm də insanlar şirkətlər haqda məlumatlı olacaq".

Əzizə Zeynal