70 yaşlı Şeron Osborn estetik əməliyyatlara tövbə etdi: “Təpəgözə oxşayıram” – FOTOLAR
Dünyanın ən böyük rok ulduzlarından birinin həyat yoldaşı kimi tanınan, lakin sonrakı illərdə böyük televiziya şouları sayəsində əri qədər məşhurlaşan Şeron Osborn etdirdiyi plastik əməliyyatlarla bağlı səmimi açıqlamalar verib.
Sfera.az xəbər verir ki, Ozzi Osbornun sönən karyerasına işıq salan və hər il onun üçün təşkil etdiyi yay konsertləri ilə böyük təəssürat yaradan, prodakşn şirkəti quran, öz tok-şousunu təqdim edən və bunlarla da kifayətlənməyən Şeron Osborn televiziyada yayımlanan bir çox istedad yarışmalarında münsiflər heyətində yer alaraq şöhrətini daha da artırıb.
Yaşının irəliləməsinə baxmayaraq, bütün bu işlərin öhdəsindən gələn Şeron Osborn enerjisi və çalışqanlığı ilə tanınır. Lakin o da yaşlandıqca gənc görkəmini itirməkdən qorxan və plastik əməliyyatlara əl atan məşhurlardandır.
Beşinci və sonuncu üz gərmə əməliyyatından sonra o, “Mən indi Təpəgözə oxşayıram”, - deyib. “İndi çox irəli getdim” deyən Şeron Osborn üzünün son halının onu qorxutduğunu etiraf edib:
“İndi vaxt mənim əleyhimə gedir. Üzümü gərdirdim, amma bir gözüm digərindən fərqli görünməyə başladı. Bunu görəndə başa düşdüm ki, indi dayanmalıyam”.
O, həyat toldaşı Ozzi Osbornun da vəziyyətdən narahat olduğunu və lazım gələrsə, vəziyyəti düzəltmək üçün yeni əməliyyatın pulunu ödəməyi təklif etdiyini bildirib.
Şeron 2019-cu ildə də əvvəlki üz gərmə əməliyyatından sonra oxşar açıqlamalar vermişdi. O, ərinin və uşaqlarının onu evdə görəndə şoka düşdüyünü söyləmişdi.
“Ağzımı tapa bilmədim. Uyuşmuşdu və bir tərəfə sürüşmüşdü. Mən Elvisə bənzəyirdim. Uşaqlar və Ozzi "Niyə mənə hırıldayırsan?" deyirdilər və mən isə deyirdim ki, “mən heç nə etmirəm!”.
O, dəfələrlə bıçaq altına yatdıqdan sonra keçirdiyi plastik əməliyyatlara görə peşman olduğunu və nəhayət bu cür müdaxilələrə tövbə etdiyini vurğulayıb. Şeron bu əməliyyatlardan sonra sağalma dövründə çox əziyyət çəkdiyini də qeyd edərək bu dəfə qərarında qəti olduğunu deyib.
Lalə
Sfera.az
