Son aylarda Rusiya rublunun ucuzlaşması bu ölkədə inflyasiyanın güclənməsinə səbəb olacaq. 

Sfera.az “Lenta.ru”ya istinadən xəbər verir ki, bunu rusiyalı iqtisadçı-ekspert Mixail Belyayev bildirib. 

O xatırladıb ki, Rusiya çoxlu miqdarda xarici məhsul, maşın və müasir avadanlıq idxal etməyə davam edir: “Bunu nəzərə alsaq, dollar və avronun rubla nisbətən məzənnəsinin yüksəlməsi iqtisadiyyata mənfi təsir göstərir və istehlakçılar üçün qiymətləri artırır. Məzənnə iqtisadiyyatın ümumi vəziyyətindən, onun səmərəliliyindən, bir sıra iqtisadi proseslərdən asılıdır”. 

İqtisadçı deyib ki, Rusiya öz sənayesi, avadanlıqları, dəzgahları və digər əşyalar üçün xeyli sayda komponent almalıdır. Belyayev əmindir ki, bunsuz iqtisadiyyatın bərpası və məhsuldarlığın artması mümkün deyil:

“Amma məzənnənin dinamikası, rublun zəifləməsi səbəbindən belə məhsulların idxalı getdikcə bahalaşır ki, bu da son nəticədə istehlakçıya təsir edir. Aşağı məzənnə əlbəttə ki, ixracatçılara kömək edir. Daha çox qazanırlar, büdcəyə daha çox ödəyirlər. Lakin büdcə bütün iqtisadiyyatı əhatə etmir, ancaq onun cəmi 20-30 faizini təşkil edir”. 

Vasif